HVER ELSKAR EKKI BÚBBLUR?
Búbblubíllinn er nýr og heillandi sjarmör á götum Reykjavíkurborgar – Hann var upprunalega venjulegur ítalskur vespubíll af klassísku tegundinni Piaggio Ape en er nú kominn með fullkomið dælukerfi, svo hægt er að bjóða upp á ííískalt og ljúffengt freyðivín og bjór úr kútum.
Búbblubíllinn er elegant og skemmtileg lausn fyrir viðburði. Engir klakar, engar flöskur eða dósir, ekkert vesen. Bara svalandi bjór ... já og auðvitað fallegar búbblur í háum kampavínsglösum!
Búbblubíllinn er eina akandi búbbluþjónusta landsins en samskonar þjónusta hefur slegið í gegn víða um heim. Þjónustan hentar fyrir allt frá 20 manna vinaboði upp í stóra viðburði með fleiri hundruð manns og ekki er verra að hún býðst allan ársins hring.
BÚBBLURNAR OKKAR
Búbblurnar okkar eru sérinnfluttar frá Veneto á Ítalíu. Þær eru alfarið unnar úr hinni gómsætu Glera þrúgu sem er ráðandi í Prosecco vínum. Þetta indæla freyðivín ilmar dásamlega af blómum og ávöxtum. Búbblurnar eru líflegar og frískandi og bragðið milt og í góðu jafnvægi, hvorki of þurrt né of sætt – fullkomnar í veisluna þína.
Einstök White Ale er uppáhalds bjórinn okkar því hann passar við öll tilefni. Einstök White Ale bjórinn er bruggaður í belgískum wit stíl og geymir frískandi sítrus- og kóríandertóna.
Við útvegum að sjálfsögðu aðrar tegundir ef óskað er eftir. Við erum hér fyrir þig vinnum samkvæmt þínum óskum til að gera veisluna að þinni.
NÝ ÞJÓNUSTA - BÚBBLUBARINN
Búbblubarinn lyftir innibúbblupartýinu þínu í nýjar hæðir!
Við búum jú á Íslandi og þegar aðstæður eru þannig að þú vilt hafa partýið alfarið innandyra án þess að fórna glæsileikanum, þá er Búbblubarinn málið.
Glæsilegur ferðabar með úrvals freyðivíni á dælu (líka hægt að fá bjór) fyrir framan fallegan búbbluvegg með neonskilti..
